Onlayn savdo qilish boʻyicha foydali maslahatlar | Deriv Blog

Ushbu maqola dastlab Deriv tomonidan 2022-yil 7-iyulda nashr etilgan.

Har bir treyder oʻzining savdo yoʻlini bosib oʻtadi, baʼzilar boshqalarga qaraganda muvaffaqiyatliroq boʻlishi tabiiy. Faxriy treyder va oʻz kuchi bilan millioner boʻlgan Vince Stanzionening 'Muvaffaqiyatli moliyaviy treyderlarning 7 ta xususiyati' elektron kitobida muvaffaqiyatli treyderlar oʻz savdo strategiyasini qanday rejalashtirishi va ularning misollaridan savdo qilishni qanday oʻrganishingiz mumkinligi tushuntiriladi.

Zararlarni qisqartiring

Savdo oxir-oqibat psixologiyaga borib taqaladi — hamma foyda koʻrishni xohlaydi; hech kim yutqazishni istamaydi.

Foydasiz savdoga duch kelganda, tajribali treyderlar bozor oxir-oqibat yaxshilanadi degan umidda uni oʻz holiga tashlab qoʻymaydilar. Ular foydasiz savdoni ochiq qoldirish va zararlar yigʻilishiga yoʻl qoʻyish yomon gʻoya ekanligini, bu shuningdek qandaydir foyda olishni yanada qiyinlashtirishini bilishadi. Ular zararlarni qachon qisqartirishni bilishadi

Quyidagi jadval nima uchun zararlarni qisqartirish juda muhim ekanligini tushuntiradi. Unda foydasiz savdolar uchun zararni qoplash maqsadida qancha daromad olinishi kerakligi koʻrsatilgan. Masalan, agar savdoyingiz allaqachon 5% zarar koʻrgan boʻlsa, zararni qoplashingiz uchun pozitsiya sizning foydangizga 5,3% ga oʻzgarishi kerak boʻladi.

Chiqish strategiyangizni rejalashtiring

Boshlangʻich treyderlar odatda qachon savdoni ochishga eʼtibor qaratadilar, lekin uni yopishga kam eʼtibor berishadi. Stanzionening fikriga koʻra, savdodan qachon chiqishni hal qilish unga qachon kirishni hal qilishdan ham muhimroqdir.

Foyda olish yoki zararni qabul qilish boʻyicha chiqish qoidangiz savdoni boshlashdan oldin belgilanishi va siz unga amal qilishingiz kerak. Bu savdo jarayonida oʻylab koʻriladigan qandaydir ikkinchi darajali fikr boʻlmasligi kerak. Savdoni ochganingizdan soʻng psixologik reaksiyalaringiz oʻzgarishi va his-tuygʻularingiz qarorlaringizga taʼsir qilishi mumkin. Shuning uchun, chiqish strategiyasiga ega boʻlish va unga rioya qilish muhimdir.

Diversifikatsiya qiling

Boshlovchilar uchun savdoda tez-tez takrorlanadigan maslahatlardan biri — bu portfelni diversifikatsiya qilishdir. Siz turli bozorlar va aktivlarda savdo qilish orqali diversifikatsiya qilishingiz kerak boʻlsa-da, xavfingizni kamaytirish uchun narx harakatlarining turli yoʻnalishlarida savdo qilish orqali ham strategiyangizni xilmaxil qilishingiz mumkin.

Raqamli optsionlar va farq shartnomalari (CFD) mavjudligi tufayli siz oʻsayotgan, tushayotgan va hatto yonma-yon harakatlanayotgan bozorlarda ham savdo qilishingiz mumkin. Faqat bitta yoʻnalishda harakatlanayotgan bozorlarda yoki aktivlardagina savdo qilishingiz shart emas.

Toʻgʻri tendensiyalarni kuzatib boring

Tajribali treyderlar tendensiyalarni kuzatib boradilar va ulardan foyda koʻradilar. Tendensiyalar yuqoriga yoki pastga boʻlishi mumkin, ammo umuman olganda, treyderlar oʻsish tendensiyasidan koʻproq foyda oladilar, chunki bozor cheksiz miqdorda oʻsishi mumkin, holbuki bozorning maksimal pasayishi 100% ni tashkil etadi. 

Oʻzining elektron kitobida Stanzione muvaffaqiyatli treyderlar nima boʻlishini oʻylashlariga qarab emas, balki nima koʻrayotganiga qarab savdo qilishini taʼkidlaydi. Ular nima boʻlayotganini koʻrsatishi uchun raqamlarga tayanadilar — agar aktivning narxi 60 dan 65 ga, soʻngra 70 ga koʻtarilsa, u oʻsib bormoqda — va ular shunga muvofiq savdo qiladilar. 

His-tuygʻularingizni jilovlang

Bir nechta yoʻqotishlarga duch kelganidan soʻng, yangi treyderlar oʻzlarining savdo strategiyasiga shubha qilishlari va yondashuvlarini oʻzgartirish haqida oʻylay boshlashlari mumkin. Ammo strategiyangizni oʻzgartiraversangiz, uning ishlayotgan yoki yoʻqligini qanday bilib olasiz? 

Bozorlar odatda biz xohlagandek harakat qilmaydi. Qolaversa, koʻplab tashqi omillar sizning his-tuygʻularingizga va savdo boʻyicha qarorlaringizga taʼsir qilishi mumkin. Shuning uchun siz savdolaringizda qachon hissiyotga berilayotganingizni aniqlashni oʻrganishingiz kerak — bu strategiyangizga ishonchsizlik hissi boʻladimi yoki pozitsiyalaringizga bogʻlanib qolishmi. Savdo strategiyangizga rioya qilishni unutmang va hissiyotga berilib savdo qilmang.

Oddiylikni saqlang

Koʻpgina yangi treyderlar muvaffaqiyatli savdo qilish uchun ularga koʻplab zamonaviy dasturlar, bir nechta savdo ekranlari va tezkor internet aloqasi kerak deb oʻylashadi. Ammo haqiqat shundaki, ular foydali boʻlishi mumkin boʻlsa-da, bu vositalar sizga treyder sifatida moliyaviy jihatdan muvaffaqiyatga erishishga yordam bermaydi.

Oddiylikni saqlang. Deriv treyderlarga turli savdo platformalari va turli xil moliyaviy bozorlarga kirish imkonini beradi. Albatta, agar siz yangi treyder boʻlsangiz, qoʻshimcha yordam uchun qoʻshimcha savdo plaginlari yoki tizimlarini koʻrib chiqishingiz mumkin, biroq muvaffaqiyatli treyder boʻlish uchun qimmatbaho dasturlarga minglab dollar sarflashingiz shart emas. 

Nimalarni nazorat qila olishingizni biling

Savdo qilish haqida gap ketganda oʻzimizni qanchalik aqlli deb hisoblamaylik, biz savdo paytida oldindan aytib boʻlmaydigan omillarga duch kelamiz. Biz biladigan va nazorat qila oladigan narsalar bizga qancha tavakkal qila olishimizni hal qilishga yordam berishi kerak. Bularni aniqlash aynan siz vaqtingizni sarflashingiz kerak boʻlgan narsadir.

Masalan, har bir savdoda oʻzingizga qancha xavfni ruxsat berishingiz mumkinligi. Garchi bozor narxlari oʻzgarib tursa yoki aktiv siz kutgandek natija bermasa ham, siz buni nazorat qila olasiz. Savdo moliyangizni boshqarish uchun reja tuzing va unga qatʼiy amal qiling

Savdoni qanday boshlashni oʻrganing va faxriy treyder hamda oʻz kuchi bilan millioner boʻlgan Vince Stanzionening 'Muvaffaqiyatli moliyaviy treyderlarning 7 ta xususiyati' elektron kitobining toʻliq versiyasini yuklab oling. Yoki ushbu maslahatlarni bepul Deriv demo hisobi yordamida savdo qilish orqali amalda sinab koʻring. Bu orqali, siz haqiqiy pulga oʻtishdan oldin virtual mablagʻlar bilan xavf-xatarsiz savdo qilib, ushbu savdo maslahatlarini amalda qoʻllashingiz mumkin.

Sizga quyidagilar ham yoqishi mumkin:
Nima uchun yangi boshlovchilarda onlayn savdo demo hisobi boʻlishi kerak
Boshlovchilar uchun savdo: qanday qilib aqlli treyder boʻlish boʻyicha 3 ta asosiy maslahat