Deriv'da CFD savdosi va optsionlar savdosi | Deriv Blog

CFD va optsionlar savdosi treyderlarga aktivni jismoniy jihatdan sotib olmasdan yoki unga egalik qilmasdan, uning narx harakati bo'yicha prognozlar qilish imkonini beradi. Bundan tashqari, ikkalasida ham savdo ochish uchun nisbatan kamroq kapital talab etiladi. Biroq, bir-biriga juda o'xshash bo'lsa ham, bu hosilaviy vositalar qanday ishlashi jihatidan farq qiladi.

Ushbu blogda biz Deriv'da CFD savdosi va optsionlar savdosi o'rtasidagi farqlar hamda ularda savdo qilishning afzalliklarini tushuntirib o'tamiz.

Deriv'da CFD savdosi va optsionlar savdosi o'rtasidagi 4 ta asosiy farq

1. Savdo jarayoni

CFD savdosi treyderlarga aktivning ochilish va yopilish narxlari o'rtasidagi farq bo'yicha savdo qilish imkonini beradi. Oddiy qilib aytganda, siz bozor yo'nalishi — aktiv narxining ko'tarilishi yoki tushishi bo'yicha prognoz qilasiz. Sizning potentsial daromadingiz yoki yo'qotishingiz bazaviy aktivning narx farqi bilan belgilanadi.

Optsionlar treyderlarga aktivning kelajakdagi qiymati bo'yicha savdo qilish imkonini beradi. Agar siz aktiv narxining ko'tarilishini kutsangiz, uni bozor qiymatidan pastroq narxda sotib olish uchun Call optsionini joylashtirasiz. Agar narx tushadi deb hisoblasangiz, aktivni bozor qiymatidan yuqori narxda sotish uchun Put optsionini joylashtirasiz. Ushbu optsionlarning istalgan birini savdo davom etayotgan vaqtda istalgan paytda amalga oshirishingiz mumkin.

Call va Put optsionlari qanday ishlashini yaxshiroq tushunish uchun bizning "Optsionlar savdosi nima?" nomli blog postimizni o'qing.

2. Leverage

CFDlar Leverage bilan savdo qilinadi. Leverage sizga shartnoma qiymatining kichik bir qismi evaziga kattaroq pozitsiyalarni ochish imkonini beradi. U bozor ishtirokingizni oshiradi hamda potentsial daromad va yo'qotishlaringizni kattalashtirishi mumkin.

Optsionlar savdosida siz faqat o'z stavkangizni kiritasiz. Agar bozor sizning prognozingizga qarshi harakat qilsa, yo'qotishingiz faqatgina kiritgan stavkangiz miqdori bilan chegaralanadi.

3. Savdo davomiyligi

CFDlarning amal qilish muddati tugamaydi. Savdo talab qilinadigan marja darajasini ushlab turish uchun yetarli mablag'ingiz bo'lgunga qadar davom etaverishi mumkin. Marja — bu savdoni ochiq saqlash uchun hisobingizda bo'lishi kerak bo'lgan kapital miqdoridir.

Biroq, optsionlar savdosi o'zingiz belgilagan vaqt oralig'ida amalga oshiriladi. Masalan, 3 tik, 40 daqiqa, 5 kun yoki undan ko'proq.

4. Savdo natijasi

CFD savdosida potentsial daromad yoki yo'qotishingizni faqatgina savdoni yopganingizdan so'ng bilib olasiz.

Optsionlar savdosida esa savdoning potentsial to'lovini oldindan bilasiz.

Endi CFD savdosi va optsionlar savdosi o'rtasidagi asosiy farqlarni ko'rib chiqqanimizdan so'ng, keling, ularda savdo qilishning ba'zi afzalliklarini ko'rib chiqaylik. Xo'sh, ular nimalardan iborat?

Deriv'da CFDlar bilan savdo qilishning ikkita afzalligi

Salbiy balansdan himoya

CFDlar bilan savdo qilishda siz salbiy balansdan himoya funksiyasidan foydalanishingiz mumkin, bu oddiy qilib aytganda, hisobingizdagi mablag'dan ko'proq pul yo'qota olmasligingizni anglatadi. Savdo Stop Out darajasiga yetganda (u ma'lum bir foizda belgilanadi), u avtomatik yopiladi. Agar balansingiz salbiy qiymatga tushib qolsa, salbiy balansdan himoya ishga tushadi va u avtomatik ravishda nolga o'rnatiladi.

Stop Out darajasi savdo hisobingizda ochiq pozitsiyalarni ushlab turish uchun yetarli mablag' qolmagan nuqtani bildiradi. Bunday holat yuz berganda, marja darajasining pasayishi sababli eng ko'p yo'qotishga ega ochiq pozitsiyalaringiz avtomatik ravishda yopiladi.

Marja darajasi — bu balansingiz va daromadingizning marja bilan qo'shilgan foiz miqdoridir. U yangi savdolarni ochish yoki eskilarini ushlab turish uchun qancha mablag'ingiz borligini ko'rsatadi. E'tibor bering, salbiy balansdan himoya Deriv MT5 Financial hisobiga tatbiq etilmaydi.

Xavflarni boshqarish

Yuqori o'zgaruvchanlikka ega aktivlarda CFDlar bilan savdo qilish xavflar bilan bog'liq. Deriv'da savdo qilishning asosiy afzalliklaridan biri bu Stop Loss va Take Profit kabi xavflarni boshqarish funksiyalarining mavjudligidir. Ushbu funksiyalardan foydalanib, siz yuqori o'zgaruvchanlikka ega savdolarni samaraliroq boshqarishingiz mumkin.

Take Profit sizga savdo daromadingiz o'zingiz belgilagan miqdorga yetishi bilanoq uni avtomatik ravishda yopish imkonini beradi. Ushbu funksiya yordamida, agar bozor o'zgarib sizning prognozingizga qarshi harakat qilsa, pozitsiyani oldindan ma'lum daromad miqdorida yopishni o'zingiz hal qilasiz.

Stop Loss ham shunga o'xshash ishlaydi, biroq u potentsial yo'qotishlaringizni cheklaydi. Aktiv narxi siz belgilagan Stop Loss darajasiga yetganda, savdoingiz avtomatik ravishda yopiladi.

Deriv'da optsionlar bilan savdo qilishning ikkita afzalligi

Cheklangan xavf

Optsionlar savdosida xavf sizning stavkangiz miqdori bilan chegaralanadi. Agar bozor sizning prognozingizga qarshi harakat qilsa, hech qachon o'zingiz kiritgan stavkangizdan ko'proq yo'qotmaysiz.

Ko'proq tanlov

Optsionlar yordamida keng ko'lamli tanlovlar mavjud, chunki u shartnoma muqobillarining kattaroq turlarini taklif etadi. Siz 3 ta optsion shartnomalaridan birini tanlashingiz mumkin — raqamli optsionlar, lookback'lar va Call/Put spreadlar. Ushbu shartnomalar turlicha shartlarga ega bo'lib, o'zingiz uchun qulay bo'lgan pozitsiyalarni yaratish imkonini beradi.

Sizga qaysi savdo turi ko'proq mos keladi?

CFD savdosi portfelingizni diversifikatsiya qilish imkonini bergan holda kapitalingizni turli xil aktivlarga taqsimlash imkoniyatini taqdim etadi. Agar siz past marja talablari, to'lovlarning yo'qligi, shuningdek kunlik savdo (day-trading) cheklovlarining yo'qligini afzal ko'rsangiz, unda bu savdo turi aynan siz uchun.

Optsionlar savdosi sizga turli strategiyalarni taklif etadi, bu esa xavflarni aylanib o'tishning ko'proq usullarini taqdim etadi. U taqdim etadigan moslashuvchanlik sizga boshqa pozitsiyalarni qayta yaratish imkonini beradi, bu esa savdolaringizdan ko'proq potentsial daromad olishingizga yordam beradi. Agar yaxshiroq savdo qilishning ko'proq usullarini o'rganmoqchi bo'lsangiz, unda bu savdo turi aynan siz uchun.

Agar siz CFD va optsionlarni chuqurroq o'rganmoqchi bo'lsangiz, biz ushbu savdo turlarini "CFD savdosi nima?" va "Optsionlar savdosi nima?" nomli blog postlarimizda batafsil yoritganmiz. Ammo xavf-xatarsiz savdo qilishni mashq qilmoqchi bo'lsangiz, to'g'ridan-to'g'ri 10 000 USD virtual pul bilan to'ldirilgan demo hisobingizni ochishga o'tishingiz mumkin.