Vidokezo muhimu kuhusu jinsi ya kufanya biashara mtandaoni | Deriv Blog

Chapisho hili lilichapishwa kwa mara ya kwanza na Deriv mnamo 7 Julai 2022.

Kila mfanyabiashara anapitia safari yake ya biashara, wengine kwa hakika wamefanikiwa zaidi ya wengine. Katika kitabu cha kielektroniki kilichoandikwa na mfanyabiashara mkongwe ambaye ni milionea Vince Stanzione 'Tabia 7 za wafanyabiashara wa kifedha waliofanikiwa' kinaeleza jinsi wafanyabiashara waliofanikiwa wanavyopanga mkakati wao wa biashara na jinsi unavyoweza kujifunza kufanya biashara kutokana na mifano yao.

Zuia hasara zako

Biashara inategemea saikolojia — kila mtu anataka kupata faida; hakuna anayetaka kupata hasara.

Wanapokabiliana na biashara isiyo na faida, wafanyabiashara wenye uzoefu hawaiachi iendelee na kutumaini soko litaimarika hatimaye. Wanajua ni wazo baya kuacha biashara isiyo na faida wazi na kuiacha ilimbikize hasara, jambo ambalo pia litafanya iwe vigumu kupata faida yoyote. Wanajua wakati wa kuzuia hasara zao

Jedwali lifuatalo linaeleza kwa nini kuzuia hasara zako ni muhimu. Inaonyesha faida inayohitajika ili kurudisha mtaji kwa biashara zisizo na faida. Kwa mfano, ikiwa biashara yako tayari imepoteza 5%, utahitaji soko liende katika mwelekeo wako kwa 5.3% ili kurudisha mtaji wako.

Panga mkakati wako wa kutoka

Wafanyabiashara wanaoanza mara nyingi hulenga wakati wa kufungua biashara lakini hawazingatii sana wakati wa kuifunga. Kulingana na Stanzione, kuamua wakati wa kutoka kwenye biashara ni muhimu zaidi kuliko kuamua wakati wa kuiingia.

Sheria yako ya kutoka ili kuchukua faida au kukubali hasara inapaswa kuamuliwa kabla ya kuanza kufanya biashara, na unapaswa kuifuata. Haipaswi kuwa wazo la baadaye unalofikiria wakati biashara yako inaendelea. Miitikio yako ya kisaikolojia inaweza kubadilika mara tu unapofungua biashara, na hisia zako zinaweza kushawishi maamuzi yako. Kwa hivyo, ni muhimu kuwa na mkakati wa kutoka na kuufuata.

Panua wigo wako

Kidokezo kinachorudiwa mara nyingi katika biashara kwa wanaoanza ni kupanua wigo wa biashara zao. Ingawa unapaswa kupanua wigo kwa kufanya biashara kwenye masoko na mali mbalimbali, unaweza pia kuongeza uanuwai katika mkakati wako kwa kufanya biashara kwenye mwelekeo tofauti wa mienendo ya bei ili kupunguza hatari yako.

Kutokana na upatikanaji wa options za kidijitali na contracts for difference (CFDs), unaweza kufanya biashara kwenye masoko yanayopanda, kushuka, na hata kwenda kando. Huhitaji kufanya biashara kwenye masoko au mali zinazosonga katika mwelekeo mmoja pekee.

Fuata mienendo sahihi

Wafanyabiashara wenye uzoefu hufuata mienendo na kupata faida kwayo. Mienendo inaweza kuwa ya kupanda au kushuka, lakini kwa ujumla, wafanyabiashara hupata faida zaidi kutoka kwenye mwelekeo wa kupanda kwa sababu soko linaweza kupanda kwa kiasi kisicho na ukomo, wakati kiasi kikubwa ambacho soko linaweza kushuka ni 100%. 

Katika kitabu chake cha kielektroniki, Stanzione anasema kwamba wafanyabiashara waliofanikiwa hufanya biashara kulingana na kile wanachokiona badala ya kile wanachofikiri kitatokea. Wanategemea namba kuwaambia kile kinachotokea — ikiwa bei ya mali inapanda kutoka 60 hadi 65 hadi 70, inapanda — na wanafanya biashara ipasavyo. 

Dhibiti hisia zako

Baada ya kupata hasara chache, wafanyabiashara wapya wanaweza kuwa na shaka na mkakati wao wa biashara na kuanza kufikiria kubadilisha mbinu yao. Lakini ukibadilisha mkakati wako mara kwa mara, utajuaje kama unafanya kazi? 

Kwa kawaida masoko hayafanyi vizuri kama tunavyopenda. Pamoja na hilo, sababu nyingi za nje zinaweza kuathiri hisia zako na maamuzi ya biashara. Hii ndiyo sababu unahitaji kujifunza kutambua wakati unakuwa na hisia kuhusu biashara zako — iwe ni kujisikia kutokuwa na uhakika na mkakati wako au kushikamana sana na biashara zako. Kumbuka kufuata mkakati wako wa biashara, na usifanye biashara kwa hisia.

Fanya iwe rahisi

Wafanyabiashara wengi wapya wanafikiri wanahitaji programu nyingi za kisasa, skrini nyingi za kufanyia biashara, na intaneti ya kasi ili kufanya biashara kwa mafanikio. Lakini ukweli ni kwamba, ingawa vinaweza kusaidia, zana hizi hazitakusaidia kufanikiwa kifedha kama mfanyabiashara.

Fanya mambo kuwa rahisi. Deriv inawapa wafanyabiashara fursa ya kutumia majukwaa mbalimbali ya biashara na masoko mbalimbali ya kifedha. Kwa hakika, unaweza kuangalia programu jalizi au mifumo ya ziada ya biashara ili kupata usaidizi wa ziada ikiwa wewe ni mfanyabiashara mpya, lakini huhitaji kutumia maelfu ya dola kununua programu za kisasa ili kuwa mfanyabiashara aliyefanikiwa. 

Jua kile unachoweza kudhibiti

Hata tuwe wajanja kiasi gani inapokuja kwenye masuala ya biashara, tunakabiliana na mambo yasiyotabirika tunapofanya biashara. Kile tunachokijua na kuweza kukidhibiti kinapaswa kutusaidia kuamua ni kiasi gani tunaweza kuhatarisha. Kuamua haya ndiyo unapaswa kutumia muda wako mwingi.

Kwa mfano, ni hatari kiasi gani unaweza kujiruhusu kuwa nayo kwa kila biashara. Unaweza kudhibiti hili hata ingawa bei za soko zinabadilikabadilika au mali haifanyi vizuri kama ulivyotabiri. Jenga mpango wa kudhibiti fedha zako za biashara, na uutekeleze

Chunguza jinsi ya kuanza kufanya biashara na upakue toleo kamili la kitabu cha kielektroniki cha 'Tabia 7 za wafanyabiashara wa kifedha waliofanikiwa', kilichoandikwa na Vince Stanzione, mfanyabiashara mkongwe ambaye ni milionea. Au weka vidokezo hivi katika vitendo kwa kufanya biashara ukitumia akaunti ya demo ya Deriv ya bure. Kwa kutumia akaunti hii, unaweza kuweka vidokezo hivi vya biashara katika vitendo kwa kufanya biashara bila hatari ukitumia fedha pepe kabla ya kuhamia kwenye pesa halisi.

Unaweza pia kupenda:
Kwa nini wanaoanza wanahitaji kuwa na akaunti ya demo ya biashara mtandaoni
Biashara kwa wanaoanza: vidokezo 3 bora vya jinsi ya kuwa mfanyabiashara mwerevu