Kuchunguza Mkakati wa Martingale katika Deriv Bot | Deriv Blog

Makala haya yalichapishwa awali tarehe 24/10/2023 na kusasishwa tarehe 27/05/2024.

Mkakati wa Martingale unahusisha kuongeza kiasi cha biashara baada ya kila hasara ili kufidia hasara za awali kwa biashara moja yenye mafanikio.

Makala haya yanachunguza mkakati wa Martingale uliounganishwa katika Deriv Bot, bot ya biashara yenye matumizi mengi iliyoundwa kufanya biashara ya mali kama vile forex, bidhaa, na fahirisi zilizoegemezwa. Tutaingia kwa undani katika vigezo vya msingi vya mkakati huu na matumizi yake, tukitoa mafunzo muhimu kwa trader wanaotaka kutumia bot hii kwa ufanisi.

Vigezo Muhimu

Hivi ni vigezo vya biashara vinavyotumiwa katika Deriv Bot na mkakati wa Martingale.

Kiasi cha awali cha biashara: Kiasi unacholipa ili kuingia kwenye biashara. Hiki ndicho kiwango cha kuanzia kwa mabadiliko yoyote ya kiasi cha biashara kulingana na mienendo ya mkakati unaotumiwa.

Kizidishi: Kizidishi kinachotumiwa kuongeza kiasi chako cha biashara ikiwa unapata hasara kwenye biashara. Thamani lazima iwe kubwa kuliko 1.

Kizingiti cha faida: Bot itasitisha biashara ikiwa faida yako ya jumla itazidi kiasi hiki.

Kizingiti cha hasara: Bot itasitisha biashara ikiwa hasara yako ya jumla itazidi kiasi hiki.

Kiasi cha juu cha biashara: Kiasi cha juu zaidi utakacholipa ili kuingia kwenye biashara moja. Kiasi cha biashara kwa biashara yako inayofuata kitawekwa upya kuwa kiasi cha awali ikiwa kitazidi thamani hii. Hiki ni kigezo cha hiari cha usimamizi wa hatari.

Mfano wa Mkakati wa Martingale

1. Anza na kiasi cha awali cha biashara. Tuseme 1 USD.
2. Chagua kizidishi chako cha Martingale. Katika mfano huu, ni 2.
3. Ikiwa biashara ya kwanza itamalizika kwa hasara, Deriv Bot itaongeza kiotomatiki kiasi chako cha biashara mara mbili kwa biashara inayofuata hadi 2 USD. Deriv Bot itaendelea kuongeza kiasi cha biashara mara mbili baada ya kila biashara inayomalizika kwa hasara.
4. Ikiwa biashara itamalizika kwa faida, kiasi cha biashara kwa biashara inayofuata kitawekwa upya kuwa kiasi cha awali cha 1 USD.

Wazo ni kwamba biashara zenye mafanikio zinaweza kufidia hasara za awali. Hata hivyo, ni muhimu kuwa mwangalifu kwa sababu hatari inaweza kuongezeka haraka sana na mkakati huu. Kwa kutumia Deriv Bot, unaweza kupunguza hatari yako kwa kuweka kiasi cha juu cha biashara. Hiki ni kipengele cha hiari cha usimamizi wa hatari. Tuseme kiasi cha juu cha biashara ni 3 USD. Ikiwa kiasi chako cha biashara kwa biashara inayofuata kitawekwa kuzidi 3 USD, kiasi chako cha biashara kitawekwa upya kuwa kiasi cha awali cha 1 USD. Ikiwa usingeweka kiasi cha juu cha biashara, kingeongezeka zaidi ya 3 USD.

Vizingiti vya Faida na Hasara

Kwa kutumia Deriv Bot, trader wanaweza kuweka vizingiti vya faida na hasara ili kulinda faida zinazoweza kupatikana na kupunguza hasara zinazoweza kutokea. Hii inamaanisha kwamba bot ya biashara itasimama kiotomatiki pindi kizingiti cha faida au hasara kitakapofikiwa. Ni aina ya usimamizi wa hatari ambayo inaweza kuongeza mapato. Kwa mfano, ikiwa trader ataweka kizingiti cha faida kuwa 100 USD na mkakati ukavuka faida ya 100 USD kutoka kwenye biashara zote, basi bot itaacha kufanya kazi.

Fomula ya Martingale

Ikiwa uko karibu kuanza trading na hujaweka Kiasi cha Juu cha Biashara kama sehemu ya mkakati wako wa usimamizi wa hatari, unaweza kubaini mtaji wako utadumu kwa muda gani kwa kutumia mkakati wa Martingale. Tumia tu fomula hii.

R = log(B/s) / log(m)

Ambapo:

R inawakilisha idadi ya raundi ambazo trader anaweza kuhimili kulingana na kizingiti maalum cha hasara.

B ni kizingiti cha hasara.

s ni kiasi cha awali cha biashara.

m ni kizidishi cha Martingale.

Kwa mfano, ikiwa trader ataweka kizingiti cha hasara (B) kuwa 1000 USD, kiasi cha awali cha biashara (s) kuwa 1 USD, na kizidishi cha Martingale (m) kuwa 2, hesabu itakuwa kama ifuatavyo:

R = log(1000/1) / log(2)

R ≈ 9.965

Hii inamaanisha kwamba baada ya raundi 10 za hasara mfululizo, trader huyu atapoteza 1023 USD ambayo inazidi kizingiti cha hasara cha 1000 USD, hivyo bot itasitishwa.

Fomula hii inakuruhusu kuanzia nyuma kulingana na mtaji ulio nao na kiwango chako cha uvumilivu wa hatari. Bainisha Kizingiti cha Hasara na Kiasi cha Awali cha Biashara, kisha idadi ya raundi unazoweza kufanya biashara itahesabiwa kiotomatiki. Hii itakupa uelewa kuhusu ukubwa wa kiasi cha biashara na matarajio.

Muhtasari

Mkakati wa Martingale katika trading unaweza kutoa faida kubwa lakini pia huja na hatari kubwa. Ukiwa na mkakati uliouchagua, Deriv Bot inatoa trading ya kiotomatiki pamoja na hatua za usimamizi wa hatari kama vile kuweka kiasi cha awali cha biashara, ukubwa wa kiasi cha biashara, kiasi cha juu cha biashara, kizingiti cha faida na kizingiti cha hasara. Ni muhimu kwa trader kutathmini kiwango chao cha uvumilivu wa hatari, kufanya mazoezi katika akaunti ya demo, na kuelewa mkakati kabla ya kufanya biashara na pesa halisi.