Jinsi mkakati wa biashara wa 1-3-2-6 unavyofanya kazi katika Deriv Bot | Deriv Blog

Mkakati wa biashara wa 1-3-2-6 hauhusu kupata utajiri wa haraka au faida za papo hapo. Unahusu kujenga faida zako zinazowezekana hatua kwa hatua, kupitia kila biashara iliyofanikiwa. 

Mkakati wa 1-3-2-6 ni nini?

Mkakati huu unalenga kuongeza faida zinazowezekana kupitia biashara nne mfululizo zilizofanikiwa. Hivi ndivyo unavyofanya kazi: 

Kipimo kimoja (unit) ni sawa na kiasi chako cha awali cha biashara (initial stake). Kiasi cha biashara kitabadilika kutoka kipimo 1 hadi vipimo 3 baada ya biashara ya kwanza kufanikiwa, kisha hadi vipimo 2 baada ya biashara yako ya pili kufanikiwa, na hadi vipimo 6 baada ya biashara ya tatu kufanikiwa. 

Ikiwa kuna biashara isiyofanikiwa au mzunguko wa biashara wa mikataba minne umekamilika, kiasi cha biashara kwa ajili ya biashara inayofuata kitarudi kwenye kiasi chako cha awali cha biashara.

Makala haya yanachunguza mkakati huu ulioingizwa kwenye Deriv Bot, bot ya biashara inayotumika kwa mambo mengi iliyoundwa kufanya biashara katika masoko maarufu kama vile forex, bidhaa, na fahirisi za derived. Tutachambua vigezo vikuu vya mkakati huu na matumizi yake na kutoa mambo muhimu ya kukusaidia kutumia mkakati huu kwenye Deriv Bot. 

Vigezo vikuu

Hivi ndivyo vigezo vya biashara vinavyotumika kwenye Deriv Bot ukitumia mkakati wa 1-3-2-6.

Kiasi cha awali cha biashara: Kiasi ambacho uko tayari kukiweka ili kuingia kwenye biashara. Hii ni hatua ya kuanzia kwa mabadiliko yoyote kwenye kiasi cha biashara kulingana na mienendo ya mkakati unaotumika.

Kikomo cha faida: Bot itaacha kufanya biashara ikiwa jumla ya faida yako itazidi kiasi hiki.

Kikomo cha hasara: Bot itaacha kufanya biashara ikiwa jumla ya hasara yako itazidi kiasi hiki.

Jinsi mkakati wa 1-3-2-6 unavyofanya kazi

1. Anza na kiasi cha awali cha biashara. Kwa mfano, 1 USD.
   
2. Ikiwa biashara inafanikiwa, mkakati huu utarekebisha kiotomatiki kiasi chako cha biashara hadi vipimo 3 vya kiasi chako cha awali kwa biashara inayofuata. Katika hali hii, marekebisho ya kiasi cha biashara ni vipimo 3, na kiasi cha awali cha biashara ni 1 USD. Hivyo, biashara inayofuata itaanza kwa 3 USD.
   
3. Ikiwa biashara ya pili pia itafanikiwa, kiasi chako cha biashara kitarekebishwa kuwa 2 USD au vipimo 2 vya kiasi cha awali cha biashara kwa ajili ya biashara inayofuata.
   
4. Hata hivyo, ikiwa biashara yoyote itasababisha hasara, kiasi chako cha biashara kitarudishwa kwenye kiasi cha awali cha biashara cha 1 USD kwa biashara inayofuata. Katika mfano wa hapo juu, biashara ya tatu ilisababisha hasara, ndiyo maana kiasi cha biashara kinarudi kwenye kiasi cha awali cha biashara cha 1 USD kwa biashara inayofuata.
   
5. Inapofikia kiasi cha awali cha biashara, ikiwa biashara inayofuata bado itasababisha hasara, kiasi chako cha biashara kitasalia kuwa kiasi cha awali cha biashara cha 1 USD. Mkakati huu utafanya biashara kwa kiasi cha chini zaidi ambacho ni kiasi cha awali cha biashara. Rejelea biashara ya nne na ya tano.
   
6. Ikiwa biashara zitafanikiwa mfululizo, kiasi cha biashara kitafuata mfuatano wa marekebisho kutoka 1 hadi 3, kisha 2, na vipimo 6 vya kiasi cha awali cha biashara. Baada ya biashara 4 mfululizo kufanikiwa, inakamilisha mzunguko mmoja na kisha mkakati utajirudia wenyewe kwa mzunguko mwingine. Ikiwa biashara yoyote itasababisha hasara, kiasi chako cha biashara kitarudishwa kwenye kiasi cha awali kwa ajili ya biashara inayofuata.

Mchanganuo wa mkakati wa 1-3-2-6

Mkakati wa 1-3-2-6 umeundwa ili kutumia fursa ya biashara zinazofanikiwa mfululizo huku ukipunguza hasara wakati wa mfululizo wa biashara zinazopata hasara. Msingi wa mkakati huu upo katika uwezekano wa kitakwimu, kukiwa na marekebisho ya ukubwa wa kiasi cha biashara kulingana na uwezekano unaoonekana wa kufanikiwa.

Kuna uwezekano mkubwa wa kufanikiwa katika biashara ya pili baada ya biashara moja kufanikiwa. Kwa hivyo, kiasi cha biashara hurekebishwa kuwa vipimo 3 katika biashara ya pili. Kwenye biashara ya tatu, kiasi cha biashara hurekebishwa kuwa vipimo 2 kutokana na uwezekano mdogo wa kufanikiwa kwa biashara. Ikiwa biashara ya tatu pia itafanikiwa, mkakati kisha hutenga faida zote zilizopita (jumla ya vipimo 6 vya kiasi cha awali cha biashara) kwenye biashara ya nne kwa lengo la kuongeza faida zinazowezekana mara mbili. 

Ikiwa biashara ya nne itakuwa na matokeo chanya, mkakati huu unasaidia kupata jumla ya faida ya vipimo 12. Hata hivyo, ni muhimu kuwa mwangalifu, kwa kuwa hatari inaweza kuongezeka kwa haraka kwenye mkakati huu, na hasara yoyote katika biashara ya nne inasababisha kupoteza faida zote za awali.

Vikomo vya faida na hasara

Deriv Bot inatoa zana za usimamizi wa hatari pamoja na vikomo vya faida na hasara. Utaweza kuweka mipaka hii ili kulinda faida zinazowezekana na kudhibiti hasara zinazoweza kutokea. Hii inamaanisha kuwa bot ya biashara itasimama kiotomatiki wakati kikomo cha faida au hasara kitakapofikiwa. Kwa mfano, ikiwa utaweka kikomo cha faida kuwa 100 USD na mkakati ukazidi faida ya 100 USD kutoka kwa biashara zote, basi bot itasimama kufanya kazi.

Muhtasari

Mkakati wa biashara wa 1-3-2-6 unaweza kutoa faida kubwa lakini pia unakuja na hatari kubwa. Kila kiasi cha biashara kinajitegemea, na mkakati huu hauongezi nafasi zako za kufanikiwa katika biashara kwa muda mrefu. Ikiwa utakutana na mfululizo wa hasara, mkakati huu unaweza kusababisha hasara kubwa. 

Hii ndiyo sababu ni muhimu kutathmini uwezo wako wa kustahimili hatari na kufanya mazoezi ukitumia akaunti ya demo kabla ya kufanya biashara na pesa halisi. 

Jisajili kwa ajili ya akaunti ya demo ya biashara. Utaweza kufanya mazoezi bila hatari ukitumia fedha za mtandaoni, kuchunguza jinsi vikomo vya faida na hasara vinavyofanya kazi, na kuelewa jinsi mkakati wa biashara wa 1-3-2-6 unavyofanya kazi kabla ya kuboresha kwenda kwenye biashara ya pesa halisi.